頸, 肩膀, 脊椎都痛

病患者女 - 24歲

醫生你好，大約今年三月因為脊椎問題去睇專科，同時都有照X-RAY,，醫生話盆骨移位，做一次物理治療先，另外返屋企做少少拉筋運動。做左幾日，我開始都無咁痛。

直到上個星期，訓醒覺之後，我的頸肩同脊椎都好痛。初時以為訓覺姿勢問題。但我第二日後，眼睛開始睇野好多殘影咁，覺得自己好似發緊夢,個心好似成日都好驚咁。之後既病痛愈黎愈多；訓覺時候手指同腳會不自覺跳動，訓唔到覺；手軟腳軟完全無咩力；心跳好似好西利；右腳腳底冰冷同麻痺；容易出汗；無咩胃口；周身骨痛等。以上反應令我嚴重失眠，但明明我係好累好眼訓。

之後去睇左次中醫，幫我針灸過一次，無咩改善。
西醫食止痛藥，隔一陣就會痛返。
之後試下自己做Ｄ拉筋運動，都一樣唔得。
已經痛左成個幾星期，好希望醫生可以話我聽出現咩問題，令我可以有覺好訓之外，睇野唔好咁唔真實。本人真係未試過咁攰，謝謝你。